GPYG, Modasa દ્વારા 51 મા રવિવારે " મારું ઘર-મારું વૃક્ષ" નવિન અભિયાનનો શુભારંભ

GPYG, Modasa દ્વારા 51 મા રવિવારે " મારું ઘર-મારું વૃક્ષ" નવિન અભિયાનનો શુભારંભ 

"આજના યુગનો જવાન રવિવારની મોજ નેવે મૂકીને પ્રકૃતિ બચાવવામાં લાગ્યો છે એ બહુ મોટી વાત છે , સમાજના દરેક માણસે આ ટીમથી શીખ લેવા જેવી છે"

: જાવેદ આઝાદ 

મોડાસા, 12 જૂન 51 મા રવિવારે "મારું ઘર- મારુ વૃક્ષ" ના નામે એક નવિન અભિયાન શરુ કર્યુ. જેમાં જે કોઈનો જન્મદિવસ, લગ્ન દિવસ, દિવંગત સ્વજનોને શ્રદ્ધાંજલી અર્પણ કરવા કે અન્ય કોઈ પ્રસંગ યાદગાર બનાવવા સંકલ્પિત થઈ વૃક્ષારોપણ-જતન કરવા અભિયાન હાથ ધરવામાં આવ્યું. જે સંદર્ભે આ ટીમના પર્યાવરણ બચાવ કાર્ય પ્રયાસોની સક્રિયતાને સોસીયલ મિડિયા પર જોઈ અનેક પરિવાર તેમના ઘર આગળ વૃક્ષારોપણ કરવા આ ટીમનો સંપર્ક કરી રહ્યાં છે.

જે આ રવિવારે મોડાસાના કૉલેજ રોડ પર મુસ્લિમ પરિવાર દ્વારા રસુલાપાર્ક સોસાયટીમાં નિમંત્રણ મળતા ટીમ પહોંચી. 

સોસાયટીના રહીશો સાથે મળી   અલગ અલગ ઘર આગળ થઈ કુલ છ રોપાઓનું તરુરોપણ કરવામાં આવ્યું. સૌએ આ વૃક્ષના ઉછેર માટે સંકલ્પિત લીધો. આજના દિવસે બીજું આયોજન માલપુર રોડ પર રચના પાર્ક સોસાયટીમાં કરવામાં આવ્યું . ત્યાં સોસાયટીના રહીશો એ સંકલ્પિત થઈ અલગ અલગ ઘર આગળ કુલ છ રોપાઓનું તરુરોપણ કરવામાં આવ્યું.

સૌએ આ ટીમના પર્યાવરણ બચાવ પ્રયાસને અત્યંત આવશ્યક ગણાવ્યો. રસુલાપાર્કના જાવેદભાઈ આઝાદે વૉટસઍપ પર મેસેજ મોકલી આ યુવાઓના ઉત્સાહને બિરદાવતા લખ્યું

" આજના યુગ નો જવાન રવિવાર ની મોજ નેવે મૂકી ને પ્રકૃતિ બચાવવા માં લાગ્યો છે એ બઉ મોટી વાત છે ભાઈ સમાજ ના દરેક માણસે તમારી ટીમ થી સીખ લેવા જેવી છે" 

     આ ટીમના 51 મા રવિવારે "મારું ઘર - મારું વૃક્ષ" એક નવિન અભિયાનની આમ જનતાના સાથ સહકાર સાથે ઉત્સાહભેર ઉજવણી થતાં ટીમના યુવાનોમાં આ પર્યાવરણ સંરક્ષણ કાર્યક્રમ વધુ વેગવાન બનાવવા ઉત્સાહ વધી રહ્યો

છે.બ્યુરો રિપોર્ટ જયોતિકા ખરાડી અરવલ્લી .