ગાયત્રી ચેતના કેન્દ્ર , મોડાસા દ્વારા બાળ કૌશલ્ય પ્રશિક્ષણ કાર્યક્રમ યોજાયોઆવી રહેલ રક્ષાબંધન પૂર્વે મોડાસા ખાતે શ્રમજીવી પરિવારના બાળકોને રાખડીઓ બનાવતાં શીખવવામાં આવ્યું.

ગાયત્રી ચેતના કેન્દ્ર , મોડાસા દ્વારા બાળ કૌશલ્ય પ્રશિક્ષણ કાર્યક્રમ યોજાયો

આવી રહેલ રક્ષાબંધન પૂર્વે મોડાસા ખાતે શ્રમજીવી પરિવારના બાળકોને રાખડીઓ બનાવતાં શીખવવામાં આવ્યું.

રક્ષાબંધનના પવિત્ર તહેવાર આવી રહેલ છે. ત્યારે ગાયત્રી પરિવારની બહેનો દ્વારા મોડાસામાં શ્રમજીવી પરિવારોના રહેણાંક વિસ્તારોમાં ઘેર ઘેર સંપર્ક કરવામાં આવ્યો. આ વિસ્તારોના બાળકોના કૌશલ્યને બહાર લાવવા 17 ઑગસ્ટ, મંગળવારે મોડાસા ગાયત્રી ચેતના કેન્દ્ર ખાતે બાળ કૌશલ્ય પ્રશિક્ષણનું આયોજન કરવામાં આવ્યું.

જેમાં આવી રહેલ રક્ષાબંધન પૂર્વે આ  બાળકોને અલગ અલગ પ્રકારની રાખડીઓ બનાવતાં શીખવવામાં આવ્યું. જેમાં પ્રોજેક્ટર તેમજ બહેનોની મદદથી આ બાળકોના હાથે જ રાખડીઓ બનાવવામાં આવી. જે આ આયોજન દ્વારા આવા બાળકો માટે અને તેઓના પરિવાર માટે ખૂબ જ જરૂરી કાર્યક્રમ યોજાયો. જે આ બાળકો પોતાના ઘેર જઈ પરિવારના સૌ આવી રાખડીઓ બનાવી આર્થિક સંપન્નતા માટે ઉપયોગી બની રહેશે.

     આ આયોજનમાં ગાયત્રી ચેતના કેન્દ્ર ખાતે પ્રોજેક્ટરની મોટી સ્ક્રિન પર વડોદરાથી લક્ષ્મીબેન લીંબડ તથા ગાંધીનગરથી બંસરીબેન સોની એ ઑનલાઇન સંપર્કમાં રહી રાખડીઓ બનાવવા ઝીણવટ ભરી સમજ આપી. અલગ અલગ શ્રમજીવી પરિવારના 35 બાળકો આ પ્રશિક્ષણ લેવા જોડાયા. મોડાસા ગાયત્રી ચેતના કેન્દ્ર ખાતે આ કાર્યક્રમને સફળ બનાવવા માટે  અમિતાબેન પ્રજાપતિ, રોહીણીબેન શર્મા, પ્રિતીબેન ભટ્ટ, જશોદાબેન પટેલ, રેખાબેન સુથાર, કલ્પનાબેન પટેલ, ચંદ્રિકાબેન પટેલ, હસુમતીબેન પટેલ, મંજુલાબેન ગુર્જર, રમીલાબેન પટેલ    સહિત અનેક બહેનો આ બાળકો સાથે બેસી શિખવવામાં સહયોગી બન્યા તેમજ વિશેષમાં ધર્માભાઈ પટેલ તથા અરવિંદભાઈ કંસારા ઉપસ્થિત રહ્યા હતા.

બ્યુરો રીપોર્ટ અરવલ્લી PHN NEWS CHANNEL